Mawira mekuo

MAWIRA MEKUO! Umuthi uyu ungithii Nairobi makiria mathaa ma muthenya, wonaga andu ngurani a miaka nguraani mari mihang’ oini na biacaraini ciao. Titamarugamaga..guthii..guthii..othe agima na mena mawathe!Magicaria muturire mwega na njira ya kumatha. Wauma hau ambata gicagi, mbere nene Kambi (mburoti) nyingi cia icagi ukoraga nyumba ciakitwo na igekirwo itingi cia mahiga, ndionete nyumba ingi igiakwo uguo thiku ici.itingi ici nicio andu marugamaga metiranitie. By the way mundu aiguaga wega muno etiranitie,niwakimenya he keruru. Ti hau ndi, no ndirauga atiriri,itingiini ici niho andu mathiaga munge’tho,riu ukoraga andu othe mahurite seti meroreire kambi, ndiragweta matura maingi biu maria tuonaga Diocese ini itu ya Murang’a na kundu kungi kuingi. Ti uru kuhuruka no niuru kuhurukaga o muthenya makiria akorwo wi mundu munini.Ndirikanaga ndarikia cukuru form four nindeciririe ngahure seti kambi ini ya gwitu na ndathii,o mbere nene ndambaga guthii haria hahuragwo iratu tondu no hendagio ngathiti na hari na siasa njega muno. Hau niho hatumire njigue ati hena ngari irabatara ikanga na ngiyumiriria ngithii na ngiheo wira wa mbere ndi tai kanga. Ngihura ngari mbaru matuku maingi, ngikua andu nginya a gwitu, amwe makinyarara angi makindua mata angi makiona nindateire mbau na angi makinyenda nongirutira biu. O njetereire kaundu kangi,gutuika gwakwa ikanga nigwatumire hinguke maitho na nyone andu nimeyethagira biu na no ndonire ati ni hari andu eethi mateethaga ona hanini. Wira wao nimahure seti macoke mainuke kuria na gukoma mucii. Nindirikanaga ndiri okuu kambi njamba nyingi cionaga ta ndiracambithia gwitu ni kuria irio cia mukawa,na haitu no hau hakuhi na kambi,riria cio iranyua gacai kana karia nii no githeri kana ugali madondo. Riria itari wira nindethaga tuindo twa kwendia ta tuthimu na turedio,na hwaini ngekora ndi igana handu, nani thabariini ya kwendia gwatuikaga ati no kurura njururaga kambi,nii ndiakindagiria, nindathiaga kwendia CD ciauma uguo, ngaringa njui ngithii gutwarira customer ciakwa, na hihi ngithii kuona muiritu twari ndugu. “Kurura” gwakwa gutiari mawega hingo ciothe,nikuri andu marakaragio ninii na hingo imwe nindanyitithirio ni makanika meeri mahenanitie ati njiyaga thimu na ngihurwo ni borithi, nindamoheire by the way! Kwa njira nguhi ndirenda kuhutia muturire wa gicagi wa mundu mwithi. Wira niwe na meciria maku, angikorwo Nairobi na matauni mangi ukoraga mundu wina hihi tuuge wathe wa maguru na gakari ini gake ni gatuka kanini,niki kingigiria we utari gathina wicirie ona kabiacara kanini. Ningi aciari matiendaga kunyitirira ciana ciao,no ninjui arata akwa maigana una tauni ini mundu athiaga akona macini tu ge ta computer irendio, akahurira aciari ake thimu makamukombera akagura na akendia na agacokia mbeca, aciari ta aya nio matumaga ciana ikagacira Riu tiga uguo,nginya ciea na makari ninjui murata wakwa wa gwitu maguranagira ciea na makendia na baba wao! umuthi uyu andu aria matari mawira nio aingi matauni-ini na maikaraga wega, niki?nikuonjorana na kuonjorwo ni aciari. Wira ta wa bodaboda matauni-ini na icagi niuteithitie mbeu njithi,no ndireyuria niki aciari amwe matangihota kuoya maruni maheo mbeca cia macani na kahua mateithie ciana ciao? Angikorwo nituitikitie ukuria na uthii wan a ,mbere nomuhaka turute wira, na wira to kwandikwo aca mani! kugura kindu gitari kwanyu na guthii gukiendia ni riciria ria mukurire. guteithia mwana ambie kaundu no ithugunda riega. kuhura seti kambi ni gute mathaa na kuiya na kuhura umaraya ni waganu.

Mbeu njithi umirai miciini na muthii haria mukuhota gwiteithia, mucii tiga utuiriire ng’ombe, utue macani kana kahua na kurima mo reke njuge no mawira ii no waruta kwanyu ona no uthii kwene uthukume.no uma niati nituibarabarie tuhote kwiyaka. No ucambe ungituika ikanga,makanika kana utume iratu kwanyu umenwo no uma niati hau hegukuhingurira njira na wone kanyamu kanini ga gwiteithia. Airitu nao, ona warikia cukuru,to kuhika kungikuninira thina tondu thiku ici niguo mwiciririe wa airitu ,aca umagara ukerute kaundu kangikurehera wira ningi nakuu nja nikuo mukonana na kanda njega uguo,thiku ici duka cia thimu ciendagio ni airitu,etha handu to wabici! Wira ni wira! Sam Mutonya.